MULA SA AKING BINTANA

                            Image by Gari Buenavista (http://pananaw.multiply.com)

Agaw-dilim, Agaw-dilim

Bakit pangamba ang dulot mo, agaw-dilim?

Katahimikang bumabalot sa naghihingalong araw

Bumubuhay sa mga alaalang nahihimlay.

Agaw-dilim, malupit na agaw-dilim

Sa iyong pagyapos, tila lakas ko’y nauupos

Ulirat ko’y pilit ibinibigkis

Sa mga pinipilit limuting hapis.

Agaw-dilim, agaw-dilim

Pakiusap ko sa iyo, agaw-dilim

Aking tanong, ihatid sa puso ng tinatanaw ko

                                          “Paminsan-minsan ba’y naaalala mo rin ako?”