(Isinulat noong Nobyembre 2008, sa gitna ng lubos na pagkalito sa kinahahantungan ng pagbabalik ng ating pagkakaibigan.)
Mula sa karimlan, muling nagbalik
Pagtanggap may pag-aalinlangan
Mula sa putikan, muling lumitaw
Hinugasang, nagbagong kalooban
Kung kaibigan ang turing
Yayakapin,Walang pagdududa, walang pangamba
Ngunit kapag katagang may hibla ng pag-ibig, sinasambit
At bahid ng nagdaan ipinaalala
Inog ng puso ko'y naiiba.
Umuusbong na pagtitiwala, nabubura.
Ano nga ba ang iyong nararamdaman?
Ano nga ba ang iyong ninanasa?
Tila di mag-aabot ating mga pangangailangan
Tila di magkakatapat, inaasam mula sa isa't-isa.
Hindi ko alam kung dapat pang magpatuloy
Itong pag-aalinlangan, pagtataka, pagtatanong
Kung ako'y lumayo
Sagot ba ito upang maibalik ang kapanatagan,
Manahan, katahimikan ng kalooban?
Ano nga ba, Luna, kaibigan
Ang tunay na kasagutan?
hindi ko alam. we journey together and we'll discover someday
ReplyDeleteYes, the answers still evade us. Do you remember the entangling of the web we talked about? This is probably what we're doing ... and it feels right!
ReplyDelete